ТРОПАР И КОНДАК СВЕТОМ СПИРИДОНУ ЧУДОТВОРЦУ, ЕПИСКОПУ ТРИМИФУНТСКОМ

Тропарь святителя Спиридона (глас 1)

Собора Перваго показался еси поборник и чудотворец, богоносе Спиридоне, отче наш. Темже мертву ты во гробе возгласив, и змию в злато претворил еси, и внегда пети тебе святыя молитвы, Ангелы, сослужащия тебе, имел еси, священнейший. Слава Давшему тебе крепость, слава Венчавшему тя, слава Действующему тобою всем исцеления.

*

* * *

Кондак святителя Спиридона (глас 2)

Любовию Христовою уязвився, священнейший, ум вперив зарею Духа, детельным видением твоим деяние обрел еси, богоприятне, жертвенник Божественный быв, прося всем Божественнаго сияния.

*

* * *

син

ТРОПАР И КОНДАК АПОСТОЛУ АНДРЕЈУ

Тропарь апостола Андрея Первозванного (глас 4)

Яко апостолов первозванный и верховнаго сущий брат, Владыце всех, Андрее, молися, мир вселенней даровати и душам нашим велию милость.

*

* * *

Кондак апостола Андрея Первозванного (глас 2)

Мужества тезоименитаго богоглагольника и Церкве возследователя верховнаго, Петрова сродника восхвалим, зане якоже древле сему и ныне нам воззва: приидите, обретохом Желаемаго.

*

* * *

син

ТРОПАР И КОНДАК ВАВЕДЕЊА ПРЕСВЕТЕ БОГОРОДИЦЕ

Тропарь Праздника Введения во храм Пресвятой Богородицы (глас 4)

Днесь благоволения Божия предображение и человеков спасения проповедание: в храме Божии ясно Дева является и Христа всем предвозвещает. Той и мы велегласно возопиим: радуйся, смотрения Зиждителева исполнение.

*

* * *

Кондак Праздника Введения во храм Пресвятой Богородицы (глас 4)

Пречистый храм Спасов, многоценный чертог и Дева, священное сокровище славы Божия, днесь вводится в дом Господень, благодать совводящи, Яже в Дусе Божественном, Юже воспевают Ангели Божии: Сия есть селение Небесное.

*

* * *

син